Siglir tar il cuntegn

Header

cuntegn

L'archivar recumonda Antennas da telefonia – na grazia!

Ils onns 1990 vegn la telefonia mobila davaira populara. Adina dapli emetturs cuvran il territori abità. Dentant è electrosmog gia in tema. Antennas memia datiers da zonas d’abitar fruntan sin opposiziun.

Ils onns 90 daventan ils apparats da telefonia mobila cumpacts, cumadaivels e pajabels. Natel, Handy u telefonin numnan ins els. Ins po far cloms e scriver SMS, nagut dapli. Tuttina sa multiplitgeschan be ils abunents da la Swisscom aifer 10 onns per 200%.

Models da telefonins l'onn 2000
Legenda: Models da telefonins l'onn 2000 RTR

Questa telefonia mobila dovra emetturs ils quals sa multiplitgeschan era fermamain. Swisscom, diAx e Sunrise partan il martgà. Mintga firma vul sias atgnas antennas. Quai procura per ina radiaziun electromagnetica da dretg e sanester. Sper consideraziuns da protecziun da la cuntrada èsi era quitads per la sanadad dals abitants che mainan tar protestas e recurs.

Antenna da telefonia
Legenda: Antenna da telefonia RTR

En l’archiv RTR sa chattan novitads e reportaschas dal 1999 enfin 2013 che demussan problems d’acceptanza da las antennas en la Rumantschia.

Engiadin’Ota: Puntraschigna, San Murezzan, Bever

video
Engiadin'Ota - TSG 1999 - 2004
Or da L’archivar recumonda dals 05.03.2019.
laschar ir

Grischun central: Casti, Veulden

video
Grischun central - TSG 2000-2013
Or da L’archivar recumonda dals 05.03.2019.
laschar ir

Surselva: Laax, Vella, Breil

video
Surselva - TSG 2000-2003
Or da L’archivar recumonda dals 05.03.2019.
laschar ir

A Ruschein ha la televisiun rumantscha rapportà durant 5 onns il problem da l'emettur Swisscom da radio, televisiun e telefonia en vischinanza dal vitg.

video
Saga dil monster sil Crest Plontabuora a Ruschein - TSG 2001-2005
Or da L’archivar recumonda dals 05.03.2019.
laschar ir
Jeu che sun pli bia a casa hai savens mal il tgau e sun nervusa e lu hai jeu il desideri dad ir ord casa.
Autur: Josefina Cadruvi, Ruschein
Scientificamein datti oz aunc negin muossament ch’igl ei aschia. Quei che nus savein ei ch’i dat glieud che ei pli sensibla sin camps electromagnetics ni uondas electromagneticas.
Autur: Hans Ueli FuchsMedi

Il pur da cultivaziun biologica Wendelin Casutt da Falera ha agì sez e construì ina saiv per proteger sia puraria.

video
Ina saiv cunter radiaziun electromagnetica -TSG 21-10-2003
Or da L’archivar recumonda dals 21.10.2003.
laschar ir
Nus vein sentiu immediat ch’igl ei vegniu meglier. Jeu hai è pli pauc mal il tgau e nus durmin meglier...
Autur: Monica Casutt, Falera

Artitgels legids il pli savens

Scrollar a sanestra Scrollar a dretga