Siglir tar il cuntegn

Header

cuntegn

L'archivar recumonda Carigiet: «Jeu hai maliau ina preit grischa, ina preit grischuna»

«Nossa generaziun ha giu battaglias ed uiaras en abundonza». Quai ha Alois Carigiet ponderà, cura ch'el ha survegnì ils onns 50 l'incarica per la pictura en la sala dal Cussegl grond. Ed el ha elegì la saramentaziun da las trais lias sco motiv.

Revisiun parziala da la lescha da taglia, centralisaziun e decentralisaziun da plazzas dal chantun, center da sport naziunal a Lai. Quai èn be intgins temas ch'il Cussegl grond ha tractà quest'emna. Forsa che in u l'auter dals cussegliers ha gì lungurella e contemplà pli detagliadamain la pictura vid la paraid da la sala dal Cussegl grond.

Quest maletg ha Alois Carigiet stgaffì 1958-60. Suenter che Carigiet aveva preschentà sia ovra al Cussegl grond, aveva el declarà a Tista Murk tge ponderaziuns ch'el aveva fatg per quell'ovra e tge ch'ella signifitga:

Na betg mo il radio ha rapportà da l'ovra d'Alois Carigiet per la sala dal Cussegl grond. Il maletg è era adina puspè stà tema en contribuziuns da televisiun.

  • video
    Video vom 01.01.1964
    Or da RTR dals 01.01.1964.
    laschar ir

    Alpine Artists

    La pictura da paraid dal Cussegl grond ha dà da discutar fin en l'Engalterra. Il schaner 1964 ha la BBC emess in film cun il titel «Alpine artists». En quel è tranter auter era il maletg monumental d’Alois Carigiet vegnì preschentà.

  • video
    Video vom 01.10.1968
    Or da RTR dals 01.10.1968.
    laschar ir

    Emprima emissiun da colur da la Televisiun svizra

    Ils 1 d'october 1968 ha la Televisiun svizra emess l’emprima emissiun televisiva en colur. En quella emissiun è vegnì preschentà in purtret dal pictur artist Alois Carigiet, e tranter auter è era la pictura dal Cussegl grond stada da vesair.

  • video
    In viadi tier Carigiet - Matias Spescha sa regorda
    Or da L’archivar recumonda dals 14.09.1997.
    laschar ir

    In viadi tier Carigiet - Matias Spescha seregorda

    1997 han ils Cuntrasts fatg «in viadi tier Carigiet» ensemen cun ses ami Matias Spescha. Matias Spescha sa regorda da sia collavuraziun cun Carigiet per la pictura dal Cussegl grond.

  • video
    Noss Carigiet - trais ovras grondas
    Or da RTR dals 10.06.2015.
    laschar ir

    Noss Carigiet - trais ovras grondas

    Il 2015 è la pictura dal Cussegl grond puspè stada tema tar la Televisiun Rumantscha. Numnadamain en l'emprima part da las 3 contribuziuns dal Telesguard cun il titel «Noss Carigiet – trais ovras grondas».

Artitgels legids il pli savens

Scrollar a sanestra Scrollar a dretga