Siglir tar il cuntegn

Header

Il 2006 brischan numerusas chasas a Flem
Legenda: Fieu a Flem ils 6 da zercladur 2006 L'incendi dal 2006 destruescha a Flem numerusas chasas, ils pumpiers na pon betg salvar quellas. RTR
cuntegn

L'archivar recumonda I brischa!

L'incendi d'ina chasa a Soloturn che ha chaschunà la mort da pliras persunas ed ils fieus en la California cun numerusas unfrendas mussan, tge che capita, sche l'uman perda la controlla dal fieu. Era en il Grischun han incendis e brischaments adina puspè chaschunà unfrendas, donns e tragedias.

Mintg'onn in vitg

La glista dals incendis en il Grischun è lunga, fitg lunga. Cunzunt la fin dal 19avel tschientaner ed il cumenzament dal 20avel hai adina puspè brischà – en media bunamain mintg'onn in vitg. L'emissiun «I brischa» da la Televisiun Rumantscha ha dà ina survista.

video
I brischa - incendis en il Grischun
Or da L’archivar recumonda dals 14.06.1998.
laschar ir

La catastrofa da Selva

In dals gronds incendis en il Grischun è succedì il 1. da zercladur 1949 a Selva sper Tschamut en Tujetsch. Il fieu ha destruì 13 chasas e donnegià fermamain la baselgia. Mo cun cletg hai dà naginas unfrendas. Ils abitants han dentant pers tut lur possess.

video
Selva brischa
Or da L’archivar recumonda dals 31.05.2009.
laschar ir

Incendis a Sumvitg

La fin da matg 1986 han ils pumpiers pudì evitar ina catastrofa pli gronda a Sumvitg. 3 stallas e duas chasas èn vegnidas destruidas. Il ferm vent avess bunamain dà fieu a l'entir center dal vitg. Tar quella catastrofa han intginas famiglias prs tut lur possess ed èn vegnidas da scappar mo cun quai ch'els avevan en.

L'onn 1999 ha ina chasa brischà a Cuas dadens Cumpadials. En la chasa solitaria sper la lingia da la Viafier retica viveva in um tut persul. El è restà sparì dapi quai di. Enfin oz nagin che sa, tge ch' è capità cun el.

Sch'il guaud brischa

La stad 1983 ha in chametg incendià il guaud en la Val Brüna en Val Müstair. Suenter 12 dis era il guaud destruì sin ina surfatscha da 65 hectaras.

video
Incendi da guaud en la Val Müstair
Or da L’archivar recumonda dals 24.09.1983.
laschar ir

A Tusaun brischa il clutger da la baselgia refurmada

video
Il clutger da Tusaun brischa
Or da L’archivar recumonda dals 03.05.2001.
laschar ir

RTR datiers dal fieu

1989 è ina equipa da la Televisiun Rumantscha stada spert a Tarasp, nua ch'il Hotel Waldhaus brischava. Ils maletgs èn spectaculars, las emoziuns da la reportra da sentir.

video
A Tarasp brischa il hotel Waldhaus
Or da L’archivar recumonda dals 27.05.1989.
laschar ir

Era l'onn 2006 tar il grond incendi a Flem èn ils reporters stads svelt al lieu. Lezza saira era RTR vi dad inaugurà la nova chasa da medias. Per Linus Livers hai gì num bandunar la festa e sa render a Flem per rapportar per il radio.

"Grad en quei mument ei ussa il tetg daus ensemen dad ina da quellas che brischan. Quei vesa ora sgarscheivel."
Autur: Linus LiversReporter Radio Rumantsch

E quai tunava uschia...

... e veseva ora uschia...

video
I brischa a Flem
Or da L’archivar recumonda dals 07.06.2006.
laschar ir

En da quels mument han redacturas e redacturs da far lur lavur, ils muments per reflectar, tge ch' è propi schabegià vegnan savens pir pli tard. Quai raquinta noss reporter Armon Schlegel.

video
Nus eran là, vus eras là
Or da L’archivar recumonda dals 05.04.2017.
laschar ir

RR actualitad 11:00

Artitgels legids il pli savens

Scrollar a sanestra Scrollar a dretga