Siglir tar il cuntegn

Header

cuntegn

L'archivar recumonda La chastogna – regina da la Bregaglia

Las bleras chastognas grischunas vegnan racoltadas en il guaud dal Brentan tranter Castasegna e Soglio. La chastogna è in fritg fitg saun e fitg nutritiv. Durant tschientaners è ella stada in nutriment essenzial da la glieud povra. Ella gusta anc oz, e betg mo brassada durant il temp fraid.

Chastognas e maruns èn associads cun atun ed enviern. Ils dis che vegnan pli curts, vents pli crivs suflan per vias e giassas stgarsamain illuminadas...

audio
Vendider da maruns
ord RTR Audio dals 09.11.2017.
laschar ir. Durada: 25 Secundas.

Lura èsi in plaschair, magari er nostalgic, da chattar puspè quella chasetta ord lain cun chaminet che derasa chalur e buna odur. Uschia appreziain e giudain nus il pli savens ils maruns che stgaudan mauns ed anim.

Fitg enconuschenta, gea bunamain legendara, è la figura dal vendider da maruns talian, interpretada dal cabarettist Zarli Carigiet.

Cun tschertgar en l’archiv dad RTR avain nus scuvert differentas contribuziuns davart quest fritg mediterran ch'è bain da chasa er en il Grischun. Sper la Bregaglia chatt’ins el perfin en tscherts lieus da la Vallada dal Rain.

Cumenzai ad emprender dapli davart quest fritg, sias variantas e cunzunt las formidablas qualitads nutritivas.

audio
Chastognas, maruns, chastognas selvadias
ord RTR Audio dals 09.11.2017.
laschar ir. Durada: 3 minutas 7 Secundas.

La chastogna è in fritg fitg saun e nutritiv. Perquai è ella stada durant tschientaners in nutriment essenzial, cunzunt per la glieud povra. Spaisas cun chastognas èn er entradas en tradiziuns ed usits. Ed anc ozendi permetta ella ina gronda creativitad culinarica.

En noss archiv avain nus chattà per Vus in pèr spezialitads, inventadas e creadas en Val Bregaglia.

Encunter la fom...

video
Liongia da chastognas
Or da L’archivar recumonda dals 05.10.2012.
laschar ir. Durada: 2 minutas 21 Secundas.

e per il spir gust...

Betg dad emblidar èsi che las selvas dals impressiunants chastagners marcheschan ina cuntrada e ses abitants. E la racolta da las chastognas era pli baud in eveniment impurtant che ha laschà enavos regurdientschas.

Peider Ratti, anteriur inspectur chantunal da chatscha e pestga, creschì si tranter la Bregaglia e l’Engiadina, ha raquintà l’onn 2005 da sias regurdientschas e la fascinaziun ch’el senta per ils chastagners.

RR actualitad 11:00

Artitgels legids il pli savens