Siglir tar il cuntegn

Header

cuntegn

L'archivar recumonda Scuntradas Rumantschas

Ils davos dus decennis dal millenni vegl ha la Lia Rumantscha organisà mintga 3 onns Scuntradas Rumantschas en las differentas regiuns dal Grischun. L’emprima da quellas sentupadas è stada 1985 a Savognin, la davosa l’onn 2000 en Engiadin’Ota.

L’emprima Scuntrada 1985 a Savognin

Quai n'hai anc mai dà: in inscunter popular interrumantsch. La Lia Rumantscha vul unir la Rumantschia sur ils cunfins idiomatics ed organisescha l'emprima Scuntrada Rumantscha en il cor dal Grischun. Il Telesguard rapporta da Savognin.

video
Scuntrada Rumantscha 1985 Savognin
Or da L’archivar recumonda dals 17.08.1985.
laschar ir. Durada: 15 minutas 28 Secundas.
Nus vulain engraziar a las generaziuns dals trapassads per la tgira da nossa lingua e da nossa cultura.
Autur: Toni Cantieni President da la Lia Rumantscha

La segunda Scuntrada 1988 a Scuol

La segunda Scuntrada Rumantscha maina ils interessents da la quarta lingua svizra en l'Engiadina Bassa. Il Telesguard mussa Scuol che sa preschenta da sia meglra vart cun folclora e cun concerts da rock da bands rumantschas.

video
Scuntrada Rumantscha 1988 Scuol
Or da L’archivar recumonda dals 13.08.1988.
laschar ir. Durada: 14 minutas 44 Secundas.

La terza Scuntrada 1991 a Laax

Suenter il Grischun Central e l'Engiadina maina la proxima Scuntrada Rumantscha a Laax en Surselva. In team da Telesguard rapporta.

video
Scuntrada Rumantscha 1991 Laax
Or da L’archivar recumonda dals 10.08.1991.
laschar ir. Durada: 15 minutas 25 Secundas.
Cun scuntradas mintga 3 onns sains buc mantener il romontsch. Per che nus fetschien neginas illusiuns.
Autur: Bernard Cathomas Secretari general da la Lia Rumantscha
audio
Mezdi: L’archivar recumonda – Las Scuntradas Rumantschas
ord Actualitad dals 13.11.2018.
laschar ir. Durada: 4 minutas 46 Secundas.

La quarta Scuntrada 1994 en Val Schons

La quarta Scuntrada Rumantscha da la Lia Rumantscha renda onur ad in dals pli pitschens idioms rumantschs: il sutsilvan. Ella vegn organisada en ils vitgets da la Val Schons. Gist duas squadras da la Televisiun Rumantscha rapportan: il Telesguard e Svizra Rumantscha.

video
Scuntrada Rumantscha 1994
Or da L’archivar recumonda dals 10.10.1994.
laschar ir. Durada: 6 minutas 1 Secunda.
video
Scuntrada Rumantscha 2 Val Schons
Or da L’archivar recumonda dals 16.10.1994.
laschar ir. Durada: 7 minutas 28 Secundas.

La tschintgavla Scuntrada 1997 a Domat

La tschintgavla Scuntrada Rumantscha vegn organisada al cunfin linguistic a Domat en l'aglomeraziun da Cuira. Sco l'emissiun Svizra Rumantscha rapporta è Domat ina vischnanca che cumbatta per il mantegniment dal rumantsch.

video
Scuntrada Rumantscha 1997 Domat
Or da L’archivar recumonda dals 24.08.1997.
laschar ir. Durada: 20 minutas 49 Secundas.
Ils scribents dueien calar da dir la verdad. Els dueien dir las dretgas manzegnas.
Autur: Flurin Spescha Scrivent

La sisavla Scuntrada 2000 en l’Engiadin’Ota

La davosa Scuntrada Rumantscha organisada da la Lia Rumantscha fin qua è stada preschenta en las vischnancas da Zuoz, Samedan, Schlarigna e Puntraschigna en l’Engiadin’Ota. L'emissiun Svizra rumantscha dat ina survista.

video
Scuntrada Rumantscha 2000 Engiadin'Ota
Or da L’archivar recumonda dals 27.08.2000.
laschar ir. Durada: 25 minutas 4 Secundas.

Artitgels legids il pli savens