Siglir tar il cuntegn

Header

Ina gronda tradiziun a Domat.
Legenda: Sontgilcrest Ina gronda tradiziun a Domat. RTR
cuntegn

L'archivar recumonda Sontgilcrest – ina festa da baselgia tradiziunala

La festa da Sontgilcrest vegn celebrada en las regiuns catolicas. En bleras vischnancas en il Grischun è la tradiziun da Sontgilcrest cun sias processiuns ida en emblidanza ils davos decennis. Mantegnì la festa da Sontgilcrest han lieus sco Domat, Breil e Sumvitg.

Domat – ina vischnanca cun grondas tradiziuns da baselgia

Fin al di dad oz è la festa da Sontgilcrest a Domat in grond di da festa. Il guardian da notg chanta la damaun il clom da sveglia. I suonda la processiun cun tamburs e schuldads en unifurmas veglias. Lura il servetsch divin festiv. La Televisiun Rumantscha aveva filmà il 1981 il di da Sontgilcrest a Domat.

video
Sontgilcrest a Domat 1981
Or da L’archivar recumonda dals 21.06.1981.
laschar ir
Eu quét qué super c’als giuvens han ong oz tschaffen da far Sontgalcrést. Schajoc marmugnanè sin tut.
Autur: Flora SegliasVischina da Domat

Ina spezialitad a Domat è la decoraziun da la baselgia il di da Sontgilcrest. Quella vegn ornada cun tschupels che vegnan fatgs cun dascha da pigns. Ina gronda lavur cumina che vegn fatga d’insaquantas dunnas da Domat durant plirs dis avant la festa.

video
Tschupels da Sontgilcrest per la Baselgia da Domat
Or da L’archivar recumonda dals 06.06.2012.
laschar ir

Breil – engaschi da la giuventetgna

Per la festa da Sontgilcrest a Breil en Surselva s’engascha era fermamain l’uniun da giuventetgna. Giuvens e giuvnas fan liber il di da Sontgilcrest per pudair prender part a la processiun suenter il servetsch divin. Els ed ellas sa preschentan en unifurmas da festa. E quai che na dastga betg mancar: ils schluppets.

video
Engaschi da la giuventetgna tar Sontgilcrest a Breil
Or da L’archivar recumonda dals 07.06.2007.
laschar ir
Senza las buis fuss la parada da Sontgilcrest per nus buc la dretga parada.
Autur: Annadora FribergPresidenta Uniun da giuventetgna Breil

Sumvitg – parada mo cun umens e mats

Ina veglia tradiziun a Sumvitg è la parada da Sontgilcrest cun umens e giuvens en unifurma. Tar quella parada èn dunnas e giuvnas exclusas. Ina tradiziun ch'è sa mantegnida era en il 21avel tschientaner.

video
Sontgilcrest a Sumvitg senza giuvnas e dunnas
Or da L’archivar recumonda dals 04.06.2015.
laschar ir
Na, che mattas fan parada, gliez vegness mai en damonda tier nus!
Autur: Florian CajacobGiuven da Sumvitg

Sontgilcrest ils onns 1990 a Domat

Il Radio Rumantsch aveva accumpagnà in entir di las festivitads da Sontgilcrest en la vischnanca da Domat.

Avais era documents da memoria?

Fotografias, videos u tuns – tar nossaistorgia.ch , il link avra en ina nova fanestradatti ina massa cuntegn istoric. Has mussaments istorics che ti vulessas parter, forsa era dad ina festa da Sontgilcrest? Lura daventa er ti commember da nossaistorgia.ch!

U avais bellas regurdientschas vid ina festa da Sontgilcrest, ma naginas fotografias? Nagin problem. Raquintai da vossas regurdanzas en furma d'in commentari sutvart. Nus ans legrain sin vossas istorgias.

Artitgels legids il pli savens

Scrollar a sanestra Scrollar a dretga

Commentaris

Navigation aufklappen Navigation zuklappen

Vus essas annunzià sco Who ? (whoareyou) (Sortir)

Nus avain survegnì voss commentari e mettain quel online suenter ina controlla

Approvai per plaschair las prescripziuns davart la protecziun da datas.
Scriver in commentari

500 segns èn anc disponibels

Cun trametter quest commentari accept jau la netichetta da rtr.ch.

Igl è capità in sbagl. Per plaschair empruvar anc ina giada.

I n'ha dà anc nagins commentaris. Scrivai l'emprim commentari.