Siglir tar il cuntegn

Header

cuntegn

L'archivar recumonda Teater en il liber – atmosferic ed autentic

Uschè vegl sco il teater sez è il teater sut tschiel avert. Dad inscenaziuns grondas e pompusas fin preschentaziuns da pitschnas truppas da cumediants hai dà a travers ils tschientaners. Er ozendi giauda il teater sin plazza u sin prà sco attracziun da la stad remartgabla calamita.

Teater a Valendau 2017
Legenda: Teater a Valendau 2017 RTR

Nus avain tschertgà en l’archiv RTR documents davart teater en il liber dals ultims decennis en il Grischun. Sper scenas ord las producziuns survegn ins per il pli er in'invista en sfidas ed engaschi ch’in project munta.

Tge fa attractiv teater en il liber?

Gian Gianotti, il reschissur da teater indigen e multifar, co-fundatur dals Freilichtspiele Chur, vegn cun paucs pleds sin il punct:

audio
Gian Gianotti - L'attracziun dal teater en il liber - Magazin da cultura - 04-08-2012
ord RTR Audio dals 04.08.2012.
laschar ir. Durada: 1 minuta 5 Secundas.

Teater predestinà per la plazza

Cun spazzar vegls magazins a Cuira è renaschida la bella plazza Arcas amez la citad veglia. Qua inscenescha Gian Gianotti 1981 la cumedia «Campiello» da Carlo Goldoni (1707-1793). Il titel talian signifitga «la plazzetta» ed includa la vita che sa splega tut enturn. Il Radio Rumantsch ha discurrì cun il reschissur davart il project.

audio
Il "Campiello" da Carlo Goldoni a Cuira, Magazin grischun 29.08.1981
ord RTR Audio dals 29.08.1981.
laschar ir. Durada: 5 minutas 44 Secundas.

Teater destinà per la plazza datti er cun pitschnas truppas ambulantas che porschan savens in program burlesc ed artistic da multitalents. Ellas monteschan ina tribuna mobila magari elementara sch’ellas dovran insumma in palc. En las truppas «Stradini» e «Paula fliegt» è er il rumantsch represchentà.

Questas truppas ambulantas da cumediants e cumediantas han tscherts tratgs cuminaivels cun in circus. Era per preschentar il toc «Katharina Knie» da Carl Zuckmayer, han teatrists da Fuldera nizzegià il spazi liber sut tschiel avert.

video
Fuldera – Katharina Knie – SR-Cuntrasts – 24-07-1994
Or da L’archivar recumonda dals 20.08.2019.
laschar ir. Durada: 4 minutas 13 Secundas.

Tematicas ord l’istorgia

Cuntradas, giassas e plazzas bain preservadas pon porscher da sasez la culissa sugestiva per inscenar events istorics.

L’istorgia grischuna offrescha adina puspè chaschuns da commemorar ma er uschiglio materia per auturs ed uniuns da teater. E represchentaziuns en il liber han bunas schanzas da daventar ina purschida signifitganta per il turissem da stad.

Ils documents preschentads qua sut cumpiglian tematicas dal tard temp medieval, sur la refurmaziun enfin l’arrivada da modernisaziun e tecnologia en il Grischun.

RR Archivar recumonda 11:15

Artitgels legids il pli savens