Historia contemporana 1933-1945: Hitler vegn a la pussanza

La NSDAP daventa la forza dominanta en Germania ed Adolf Hitler sa declera sco "Führer".

Berlin, ils 30 da schaner 1933 - ils nacionalsocialists celebreschan lur triumf cun in cortegi da faclas Bild in Lightbox öffnen.

Legenda da maletgs: Berlin, ils 30 da schaner 1933 - ils nacionalsocialists celebreschan lur triumf cun in cortegi da faclas Carnet Radioscola 1975-5

L’emprima da trais emissiuns davart la Segunda Guerra mundiala tracta la giuventetgna dad Adolf Hitler, sias orientaziuns politicas en consequenza da l’Emprima Guerra mundiala, l’umiliaziun resentida suenter il Pact da Versailles e l’instabilitad da la Republica da Weimar. I suondan l’avanzament progressiv da la NSDAP e las aspiraziuns sfranadas dal chancelier Hitler vers il status da “Führer” absolut cun l’aboliziun factica dal parlament. L’emprima episoda tanscha enfin la mesadad dals onns 30 ch’èn marcads da las emprimas persecuziuns dals Gidieus e da l’indecisiun da las pussanzas europeicas envers la Germania. Denteren èn d’udir extracts ord allocuziuns da Hitler, Goebbels, Göring ed Otto Wells.

Redacziun: Risch Cadonau, Giaronas Cadonau

Radioscola 7-5-1975

Numer d’archiv: 2159