Dunnas che portan burca ord da motivs religius pudessen uschia vegnir chastiadas cun ina multa fin a 10'000 francs.

La branscha da turissem tema perquai che giasts ord il Proxim orient pudessan guntgir il Tessin. A Lugano pernotteschan mintg'onn 40'000 giasts ord il Proxim orient e portan a la hotellaria ina svieuta da 19 milliuns francs.

Il scumond na vala betg sulet per burcas ma er per demonstrants che zuppentan la fatscha durant manifestaziuns ni er per hooligans.

Interprendider surpiglia las multas

L’interprendider algerian Rachid Nekkaz ha gia annunzià il 2015 da vulair surpigliar futuras multas che dunnas survegnan en il Tessin perquai ch’ellas portan ord da motivs religius ina burca. Era en Frantscha duai l’interprendider gia avair pajà 1’500 multas per dunnas che portan burca. En Frantscha vala in scumond da zuppentar la fatscha dapi il 2011.

RR novitads 08:30