Il plevon da Breil ha suenter lungas ponderaziuns sa decidì dad abditgar. El veglia viver a moda publica la relaziun cun ina dunna. Quai ha Marcel Köhle ditg dumengia durant messa. Ina communicaziun che ha consternà blers. La plaiv deplorescha la perdita da ses plevon.

Audio abspielen
03:45
Ils da Breil deploreschan la demissiun dal plevon Marcel Köhle
Da Actualitad dals 16.07.2018
«  Jau respect sia decisiun e ses curaschi da dir: Quai sun jau, jau na poss betg far auter ed jau na poss betg ma zuppar.  »
Sep Cathomas
president da la plaiv da Breil
«  Jau admir il curaschi ch’el ha gì e poss mo giavischar ad el tut bun per l'avegnir.  »
Passanta a Breil
«  Jau sun persvas che Sur Marcel stess qua vinavant e fiss in super plevon cun ina dunna daspera.  »
Passant a Breil
«  El sa deva giu cun tut la glieud.  »
Passant a Breil
«  Quai è fitg donn ch'ina tala persuna banduna nus, nus laschain encrescher per el.  »
Passant a Breil

RR actualitad 17:00