La nova ediziun da la rangaziun mundiala è vegnida preschentada oz a chaschun da la conferenza dal clima a Madrid. La raschun che la Svizra ha pers 7 plazzas saja la flaivla politica dal clima. Il Cussegl federal haja bain annunzià da reducir las emissiun da CO2 sin netto-nulla fin il 2050 i manchia però ina strategia co realisar questa finamira.

Er per ils proxims onns nagina strategia

Er la finamira da reducir las emissiuns per 30% fin il 2030 saja fin ussa be ina decleraziun d'intenziun e quai na bastia betg, uschia ils experts per la protecziun dal clima dal WWF Svizra.

Las plazzas 1 fin 3 èn er quest onn betg vegnidas surdadas. Nagin pajais fetschia avunda per il clima, hai num en il rapport. Sin plazza 4 è la Svezia, quai avant il Danemarc, il Marocco e la Gronda Britannia.

Audio abspielen
01:03
Per tadlar curt e cumpact
Da Novitads dals 10.12.2019

RTR novitads 11:00