Il Cussegl naziunal vul almain discutar davart tests da pilot cun cannabis. Cun 100 cunter 85 vuschs e duas abstenziuns ha la Chombra gronda approvà il mardi da vulair tractar ina tala midada da la lescha.

Avant ch'il Cussegl naziunal po dentant discutar davart ils detagls, sto la Cumissiun da sanadad anc ina giada sa fatschentar cun tut. Quella era ordavant s'exprimida cunter in artichel d'experimentar en la lescha davart ils meds narcotics ed aveva dumandà il Cussegl naziunal da betg entrar en dumonda.

Plitost promover la prevenziun da drogas

Cunter in tal artichel d'experimentar èn s'exprimidas las partidas PPS e la gronda part da la fracziun dal center da PCD, PBD e PEV. Ins duaja pli gugent investir quels daners en la prevenziun da drogas, uschia l'argumentaziun da Verena Herzog da la PPS/TG.

Ils aderents da l'artitgel percunter han fatg valair, ch'ins stoppia examinar novas vias en la politica da cannabis. Malgrà il scumond consumeschian en Svizra passa 200'000 persunas regularmain cannabis.

RTR novitads 12:00