Il concern da tschigulatta è creschì fermamain l'emprim quartal da l'onn da fatschenta 2019/20. Il volumen da vendita dal pli grond concern da tschigulatta dal mund, è s'augmentà dal settember fin il november per 8,2% sin 585'620 tonnas.

Tuttas regiuns hajan contribuì al creschament ha communitgà l'interpresa da Turitg. La svieuta è creschida per 6,3% sin duas milliardas francs. Cifras da gudogn na vegnan betg publitgadas per ils quartals spèrs.

Surpassà spetgas

Cun las cifras preschentadas ha Barry Callebaut surpassà las spetgas gia relativamain autas dals analists. Lez avevan quintà cun in augment dal volumen da vendita da 6%. La finamira per l'entir onn è in creschament dal volumen da 4 fin 6%.

Audio abspielen
05:30
Per tadlar: Las novitads da las 12.00
Da Novitads dals 22.01.2020

RTR novitads 08:00