Il Departament federal d'affars exteriurs ha enfin oz transportà a chasa radund 560 turists svizzers da l'exteriur. Oz endamaun è il terz aviun cun dapli che 300 persunas a bord atterrà a Turitg. L'aviun era parti da Bogotà, la chapitala da la Columbia. Ier eran atterrads dus aviuns da la Costa Rica e dal Maroc a Turitg.

Previs ulteriurs sgols

Ils proxims dis duain ulteriurs sgols arrivar en Svizra. Fin gievgia damaun vul il Departament federal d'affars exteriurs en trais sgols repatriar totalmain var 750 persunas che vivan en Svizra.

Las persunas che turnan a chasa ston ir per 10 dis en quarantina.

L'acziun aveva il Cussegl federal annunzià l'emna passada. I va per transportar enavos tut la glieud che viva en Svizra e che na po betg organisar dad ell'anora il return.

Ord l'infurmaziun da la Confederaziun da mardi:

Hans-Peter Lenz: «Sgols betg mo per Svizzers»
00:29 min, da News-Clip dals 24.03.2020