Mintgatant ir a dar in jass, baiver in café e dar ina baterlada – tut quai manca a senioras e seniors durant la pandemia. Il cussegliader da la Pro Senectute Grischun dal sid, Hermann Thom discurra d'ina isolaziun.

ll pli pesant saja stada l'isolaziun da persunas che na vivan anc betg uschè ditg en la regiun ubain da persunas che han dacurt pers il partenari. Ed el constatescha vinavant:

«  Blers din ch'els sajan vegnids bler pli vegls quest onn da corona.  »
Hermann Thom
cussegliader Pro Senectute
Audio abspielen
02:57
Corona – In dir temp per senioras e seniors
Da Actualitad dals 05.05.2021

Era Ottilia Godly da Brail conferma che sia vita saja sa midada fermamain: Ella saja pli savens persula:

«  I manca la cumpagnia da chantar e da sautar.  »
Ottiglia Godly
Brail

La mamma da tschintg uffants creschids e nona da 13 biadias e biadis, na lascha dentant betg pender las alas. Ella giaja savens a spass, taidlia radio ubain fetschia la stgaina.

Audio abspielen
03:07
L'influenza da la pandemia sin il mintgadi sco seniora – Ottilia Godly raquinta
Da Actualitad dals 05.05.2021