La nova clinica Gut duai vegnir construida sco annexa dal Center dal bogn termal «Heilbadzentrum». Previs è ina staziun da cas urgents, locals da cussegliaziun e terapia. Plinavant èn planisads dus locals d'operaziun cun ina staziun da letgs. Er in restaurant duai vegnir realisà. Cun la midada dal lieu vulan il Bogn Termal e la Clinica Gut collavurar pli stretg in cun l'auter.

Audio abspielen
02:49
Clinica Gut fa midada a San Murezzan Bogn
Da Actualitad dals 23.06.2021

La dumonda da construir è vegnida inoltrada tar la vischnanca. L'avertura è previsa per l'enviern 2023/2024. Il terren tutga a la vischnanca da San Murezzan. Dapi passa 15 onns tschertga la Clinica Gut in nov lieu. Il lieu actual en il center dal vitg ston els bandunar per la fin dal 2023.

Visualisaziun da la nova clinica planisada. Il architect dal bajetg è Christoph Ingenhoven, in architect che stat a San Murezzan. MAD