En il center stat cunzunt era Nino Schurter. Il 2003 è il mountainbiker oriund da Tersnaus stà per l’emprima giada a la partenza ad ina cursa da campiunadis mundials, quai sco junior a Lugano. Uss, 22 onns pli tard, va quest viadi a fin. Nino Schurter è tranter auter vegnì 10 giadas campiun mundial tar l’elita – in record. A Crans-Montana vul il meglier mountainbiker da tut il temp anc ina giada mussar sia classa e sche tut va si era cumbatter per ina medaglia. La finamira saja d’almain cuntanscher in plaz sut ils top 10, uschia Nino Schurter che parta era per la Svizra en il Team Relay, là cun gronda schanza da medaglia.
cuntegn
Nino Schurter avant ses ultims campiunadis mundials
Far ina medaglia a la fin da sia carriera fiss in siemi dal mountainbiker lumnezian.
Parter
