L'equipa vala sco favurit, ha gudagnà tut ils gieus d'enfin uss, fa la meglra offensiva e defensiva dal turnier ed ha cun Leonardo Genoni il pli ferm goli. L'equipa cun blera experientscha e «generaziun dad aur» enturn Roman Josi, Nino Niederreiter e Genoni pudess uschia encurunar la lavur da bajegiar si sur onns sut il trenader Patrick Fischer. Malgrà la ferma statistica resta il final in gieu avert – suenter dus finals pers ils davos onns duai dar questa giada aur. L'euforia è enorma: Dieschmillis fans en ed enturn la Swiss Life Arena sco er in public da milliuns vegnan spetgads davant ils visurs.
31.05.2026, 10:59 Ura Svizra cumbatta per aur cunter Finlanda
La Svizra stat avant in mument istoric: En bun trais uras gioga ella en il final dal campiunadi mundial a chasa a Turitg cunter la Finlanda per l'emprim titel da campiun mundial da l'istorgia.
Parter
