Anna-Ursula Nef da Ramosch - «Jau cuschin gugent per blers – senza recepts e stadaira»

1 / 10

Legenda: Anna-Ursula Nef da Ramosch preschenta il mais avrigl quatter recepts «da la patria». RTR, Marionna Lombriser

2 / 10

Legenda: Anna-Ursula Nef cuschina gugent cun paintg d'alp. MAD

3 / 10

Legenda: Ils bocs per servir cun vin chaud u sosa da tomata, «cura ch'ins ha finì da far fain.» MAD

4 / 10

Legenda: Ils cornets furmads e cotgs cun las spiralas da metal. MAD

5 / 10

Legenda: Ils cornets cun crema da vaniglia. MAD

6 / 10

Legenda: Anna-Ursula Nef ha gugent flettas-paun cun paintg d'alp e confitura d'apricosas. MAD

7 / 10

Legenda: Per la confitura dovri magiels nets e chauds. MAD

8 / 10

Legenda: La pasta per il tatsch, la spaisa preferida da las biadias e dals biadis d'Anna-Ursula Nef. MAD

9 / 10

Legenda: Il tatsch è pront per servir. MAD

10 / 10

Legenda: Tar il tatsch gusta charn setga ed in bun toc chaschiel d'alp. MAD

Gia da mattina dad indesch onns ha Anna-Ursula Nef cumenzà a cuschinar per gidar la mamma, ch’era la stad sin il funs a far fain. Las spaisas tradiziunalas cun ils products dal bain puril èn restadas sias preferidas. Cun ses um ha Anna-Ursula Nef per exempel adina fatg paintg da pli baud.

Il paintg d’alp è il meglier.

Anna-Ursula Nef ha bunamain adina cuschinà tenor sentiment e cun la rauba stagiunala ch’è enturn. Sias spezialitads sco cullas, «bocs», macaruns da chaschiel u tratgas da chatscha fa ella uss per la generaziun giuvna, che mainan dapi in pèr onns il manaschi da pur bio.

Gugent cuschina ella er per las biadias ed ils biadis che vegnan sin visita cun ils geniturs – e che sa laschan pupragnar da la nona cun cornets da vaniglia. Anna-Ursula Nef va plinavant dapi blers onns a martgà cun ses paun.

Tut ils recepts per chargiar giu