Aaron Copland vala sco in dals pli impurtants represchentants da la musica «moderna americana». El è naschì il 1900 e mort il 1990. Cun predilecziun ha el cumponì musica da tribuna dentant era bella musica per orchester e chors.
Philip Glass è naschì il 1937 e vala sco in dals piuniers da la «musica minimalistica». Vers la fin dals onns 50 è el s'avert per la musica americana moderna moderada, denter auter pia per la musica dad Aaron Copland. Glass ha dentant er laschà influenzar in zic da musica da l'India ed aschia ha el creà in stil magari ipnotic-repetitiv.
Dad els dus preschentain intginas ovras tipicas.