Caroline Charrière è naschida ils 26 da december 1960 a Friburg. Al conservatori da Losanna ha ella studegià flauta traversa e parallel era frequentà curs da cumposiziun ed orchestraziun tar Jean Balissat. Davent il 1993 è ella sa deditgada pli e pli fitg a quai ed a partir da l'onn 2000 è quai lura daventà sia activitad principala.
Il 2008 ha ella gudagnà il terz premi a la concurrenza Label Suisse per sia chanzun «Flowers» per chor maschadà ed er pli tard èn ovras dad ella vegnidas premiadas.