Concert commemorativ «100 onns Benedetg Dolf»

Benedetg Dolf, in dals gronds umens da la musica indigena – cumponist da passa 1'500 ovras, magister d'orgla e clavazin al seminari da scolasts Cuira, in vair intellectual, versà dasper la musica era en fatgs da litteratura, art pictural e teologia. El è naschì ils 13 d'avust 1918 a Ziràn. «100 onns Benedetg Dolf», sut quest titel ha gì lieu ils 5 da matg en la baselgia da Ziràn in concert commemorativ. Ils interprets: Cor viril Andeer, Cor maschado Donat a danturn e Christian Cantieni a l'orgla. Barbara Riedhauser e Luzius Hassler han laschà reviver vita ed ovra da Benedetg Dolf. RTR ha registrà quest concert e «l'Artg musical» porta parts londeror.