Ils 11 da favrer 1963 è naschì a Trun Corsin Tuor. Da pitschen ensi ha la musica giugà ina rolla impurtanta en sia vita. Ina platta da vinil da la Black Dyke Mills Band ha lura infectà permanentamain il musicist e dirigent da Trun cun il virus da brass band.
En l'emissiun per ses anniversari raquinta Corsin Tuor da sia vita e co ch'el emprova da metter sut tetg vita privata e vita da musicist. Vitiers datti natiralmain musica da differentas furmaziuns ch'el ha dirigì, sco per exempel il Cerchel Musical dalla Surselva, la Brass Band Rickenbach, la BML, BBO, 3BA-Concert Band u la Brass Band Fröschl Hall.
