L'emprima part da l'Artg è deditgada a la saira da cumpagnia en occasiun da la radunanza generala da l'uniun purtadra da Radiotelevisiun Svizra Rumantscha, la SRGR. Ella po festegiar quest onn ses 75avel anniversari. Sin il palc: «Gianni Tschenett e sia band Oak Street». Gianni ha cumenzà a far musica cun 7 onns, ha sunà en differentas bands, e cun la furmaziun «Airo» è el riva en il final dal bandXost dal 2018. In onn pli tard ha el lura gudagnà ina registraziun per il Top Pop Rumantsch da RTR – ed il resultat è stada la 48avla ediziun cun il titel «Tschêl blov». Lura ils «Sad Pumpkins» da Niculin Janett e Noam Szyfer che preschentan chanzuns enconuschentas en lur stil tut agen – e per finir «Ursina» e ses trio. Quai èn la chantautura Ursina Giger, accumpagnada da Florian Egli e Maxime Paratte.
Da cumpagnia a Schlarigna
Trais concerts da la saira musicala: «Ursina» e ses trio, Gianni Tschenett e sia band «Oak Street» ed ils «Sad Pumpkins» da Niculin Janett
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter