De profundis

Il mais november sa regordan ils cristifidaivels catolics ed evangelics da lur morts. L'Artg musical fa quai cun il «De profundis» da Joachim Raff.

L'ovra sa basa sin il psalm 130 ed il cumponist tudestg ch'è creschì si en Svizra ha scrit in'ovra expressiva en sis parts: Andante / De profundis / Si iniquitates / Quia apud te / A custodia / Et ipse rediment. En l'Artg musical sunan e chantan il Göteborgs Operaorkester ed il Karlstadt Kammarkör questa grondiusa ovra.