Er la cornettista Oriane Brückel e l'eufonist Linus Tschopp han mussà prestaziuns da vaglia ed han confermà d'esser digns per il final.
Il Prix Musique è la concurrenza principala da l'Uniun svizra da musica per promover musicantas e musicants giuvens. Quest onn hai dà gia la 17avla ediziun che vegn realisada en stretga collavuraziun cun il Center da cumpetenza da la musica militara. Per l'emprima giada è il final stà en il Grischun.
L'Orchester d'instruments a flad sinfonic da la musica militara svizra ha accumpagnà las solistas ed il solist ed er enramà la surdada dal Premi Stephan Jaeggi ad Arnold Spescha.