El è stà mudregià da malsognas, ha vivì en la miseria e tuttina: sia musica è plain energia. Franz Schubert (1797-1828) – il classicher da la chanzun d'art e da la chanzun per chor – el stat en il center da quest Artg musical.
Sia musica cunvegn fitg bain a la moda e maniera da noss chantar. Quai demonstreschan ils trais gronds chors virils da vallada: Lumnezia, Ligia Grischa e Surses. Dad els udin nus enconuschentas chanzuns da Schubert, messas per part en rumantsch: Deletg dalla natira, Pasch vespertina, La pasturetta, Mumma da miu car Salvader, Serenada e Schubertiada. E lura chanta il chor viril da Trun anc la Serasontga. Per ils intermezzos segna in dals gronds pianists, Alfred Brendel. (rep. Artg dals 15-03-2020).
Redacziun: Giusep G. Decurtins
