Per commemorar il cumponist rumantsch ch'è mort ils 4 da settember 2012 ha la Fundaziun Gion Antoni Derungs organisà in festival a Cuira.
Durant 4 dis hai dà divers concerts per preschentar ovras da different gener: Orchester sinfonic, musica da chombra, chant u orgla. Ils concerts han mussà quant vasta che l'ovra da Gion Antoni Derungs è. Als concerts hai schizunt dà primaudiziuns.
L'Artg musical porta ina schelta or dals differents programs da concert che RTR ha registrà en tun e maletg. Ils videos èn da chattar sin PlayRTR.