Il 57avel inscunter da chapellas a Landquart

Mintg'onn al principi da schaner è in dals eveniments ils pli impurtants per tut ils amis da la musica populara: l'inscunter da chapellas a Landquart. Quest onn è quel vegnì organisà per la 57avla giada, e da la partida èn stadas furmaziuns da renum sco ils Engadiner Ländlerfründa, las chapellas Oberalp, Bündner Ländlermix, D'Rhätikoner ed er ils Älplerfründe Eggiwil. Ulteriurs giasts: la Lenglerkapellä, il Ländlertrio Hermann, il Ländlertrio Tänzig, il Schwyzerörgeli-Quartett Habkern ed il Jodelduett Seraina e Ladina Hug. L'Artg musical da RTR preschenta in'emprima part da la sairada, la segunda datti en la «populara» dals 9 da favrer a las 19:00.