Joachim Raff ha emprendì clavazin da ses bab ch'era magister. Il giuven ha mussà grond talent ed ha gia baud gì interess da cumponer. El era in amatur da Franz Liszt ed è pli tard daventà ses secretari privat. Cun instrumentar las ovras da Liszt ha Raff emprendì bler davart l'art da cumponer ed uschia ha el cumponì bleras ovras.
L'emissiun porta sia segunda sinfonia e duas ulteriuras ovras dal cumponist ch'èn idas en emblidanza. Quest onn, a chaschun da ses 200avel anniversari, sa mida quai in zic.