Venderdi, ils 20 da matg 2022, ha cumenzà il Festival da chors a Gossau, la Festa federala da chant. A chaschun dal festival ha la SRG SSR producì in'emissiun communabla da tut las quatter regiuns linguisticas. Il motto: «Die Schweiz singt - La Svizra chanta - La Suisse chante - La Svizzera canta».
Er las furmaziuns derivan da l'entira Svizra: Choeur des Armailleis de la Gruyère, Coro Calicantus da Locarno, consonus Vokalensemble da la Svizra tudetga ed il Chor da giuvenils grischun. Vitiers suna la pianista da musica populara Marion Suter e la furmaziun da l'Appenzell: Altfrentsch.
