La fundaziun Tessanda ha giavischà in'ovra che duai metter en musica la natira da la Val Müstair e ses umans ed il ritmus dals talers, cun entretschar questas duas chaussas. En il project da musica cun il num «In die Zeit gewoben» porscha l'art da taisser maun a l'art da tun.
Winkelman ha scrit in'ovra interessanta ed attractiva. Per la primaudiziun en la stalla da la claustra da Müstair ha ella er sunà violina en 'Ensemble Kugelförmigkeit cun sia manadra Francesca Gaza.
Era lezza ha preschentà duas ovras: "Fioritura" e "Erhebung without motion".
