Nuot Vonmoos – mort avant 50 onns

Naschì è il magister, chantadur, dirigent, organist e cumponist ladin ils 4 da schaner 1901 a Vnà e mort ils 16 da schaner 1973 a Puntraschigna.

Nuot Vonmoos è era stà cunredactur da la Guardia Grischuna, da la Laudinella e da cudeschs da chant per la scola. Ed el è stà l'emprim Rumantsch en la Cumissiun da chant federala (1955-1973). El è surtut enconuschent sco cumponist da chanzuns per uffants, per chor maschadà e viril. Ses dus vairs hits èn «Cur chi vain la not» e «Buna not, dorma bain».