Il prim da settember èn s'inscuntrads a Friburg quatter musicistas e musicists giuvenils da las quatter regiuns linguisticas svizras. Els n'enconuschevan betg l'in l'auter. Trais dis pli tard han Anna Schultsz (violina), Sarah Murer (clavazin), Aita Gaudenz (clavazin) e Jonathan Gerstner (cello), gia dà in concert communabel.
L'Artg musical lascha udir il concert dals 4 da settember 2022 direct or da la baselgia refurmada a Friburg. Igl è ina producziun communabla da las quatter unitads d'interpresa da la SRG SSR, moderada en las quatter linguas naziunalas.
