En duas uras «Artg musical» sa preschentan divers ensembles da percussiun svizzers sco Majesticks, Top Secret Drums Corps u Stickstoff.
Lura datti dentant er il Trio Anderscht che collia musica tradiziunala appenzellaisa cun pop e quai cun dus arprets ed in cuntrabass. Er d'udir èn Andi Pupato ed Enrico Lenzin, musicists e percussiunists svizzers cun renum internaziunal.
Dominique Haldemann sa preschenta cun ses «rimbatune» (ina sort xilofon creà ord bischens da PVC), e lura han er studentas e students da la Haute Ecole de Musique da Losanna mussà durant il concert da gala tge ch'els san.