Naschì 1920: In segund Artg musical sa regorda da trais ulteriuras persunalitads meritaivlas en fatgs da chant e musica:
Aluis Arpagaus (1920 fin 1969) – poet e scriptur da Cumbel. Differentas da sias poesias han Gion Giusep Derungs ed Alvin Muoth mess en musica.
Ser Duri Loza (1920 fin 2012) – poet, scriptur ed editur da cudeschs ecclesiastics. Naschì a Murmarera, 60 onns plevon a Salouf e 50 onns custos da Ziteil. Era dad el èn vegnidas cumponidas pliras poesias (Armon Cantieni, Conrad Bertogg, Gion Giusep Derungs, Hedwig M. Humm).
Cla Biert (1920 fin 1981) – il grond um da la litteratura ladina, rimnader da chanzuns popularas, chantadur ed um dal teater. Naschì a Scuol, magister secundar a Cuira, mort a Ftan. Nus al tadlain a chantar chanzuns da Men Rauch. Ed ils Scolars da Sent chantan chanzuns cun pleds da Cla Biert.