Siglir tar il cuntegn

Header

audio
Keystone
laschar ir. Durada: 54 minutas 20 Secundas.
cuntegn

Richard Galliano, il campiun a l'accordeon

In concert registrà al Festival da jazz a San Murezzan 2020.

Download

Il segund concert dal Festival da jazz a San Murezzan che nus preschentain è quel da Richard Galliano e ses «New Musette Quartet». Galliano, annada 1950, è oriund da la regiun da Cannes en la Frantscha dal Sid ed el è in grond virtuos a l'orgelet da maun ed al bandoneon.

Il 1983 ha el astgà sunar cun Astor Piazzolla, e quel al ha animà d'integrar pli ferm la tradiziun franzosa en sia musica – e Galliano ha propi stgaffì in stil innovativ, l'uschenumnada «Musette Neuve». Ils ultims decennis è el daventà in dals accordeonists da jazz ils pli renumads – ed ha er sunà cun bleras persunalitads da differents geners da musica: cun Juliette Gréco, Charles Aznavour, Chet Baker, Enrico Rava, Jan Garbarek, Michel Petrucciani, Toots Thielemans e Wynton Marsalis.

El è stà ils 23 da fanadur da l'onn passà sin il palc dal Festival da jazz a San Murezzan, accumpagnà da Jean-Marie Ecay a la ghitarra, Bruno Rousselet al bass e Jean-Christophe Galliano a la battaria. Els han sunà diversas cumposiziuns da Galliano ed er classichers dal jazz american.

Musica – ils ultims tocs

Dapli da «Artg musical»

Scrollar a sanestra Scrollar a dretga