Per nus RumantschAs muntan chant e musica identitad. Promover, tgirar e collectar: quai è in dals pensums da RTR. Dapi 36 onns fa RTR quai en atgna reschia. Bain in motiv da mirar enavos? E gist quai fa il «Artg musical». Sut il titel NOSTALGIA porta el en ina segunda part registraziuns fatgas da RTR tranter il 1988 e 1991 – e quai cun furmaziuns pitschnas, gruppas e cun solistas e solists. Nus udin:
- Werner Frey cun sia cetra,
- Alexi e Marcus,
- Peder Rizzi + Co.,
- Linard Bardill,
- Semi-Dixie-Band,
- Quartet dubel da la Scola chantunala Cuira,
- Soras Scherrer,
- Uniun d'harmonicas Cadi,
- Gion Lechmann-Brass-Quartet ed
- il Cerchel musical dalla Surselva.
Lura ils solists/solistas: Alvin Muoth e Claudio Simonet, Paolo Vignoli ed Esther Sialm, Pia Deplazes e Gion Antoni Derungs.