Sergei Sergejewitsch Prokofjew

Bain Sonzowka en il distric Jekaterinoslaw da l'imperi russ. Oz: Oblast Donezk, Ucraina. Ils 23 d'avrigl 1891 nascha qua Sergej Prokofjew, sper Schostakowitsch e Strawinsky il pli enconuschent ed impurtant cumponist russ-sovietic dal 20avel tschientaner. Gia baud è sa mussà ses talent musical. Durant ses temp da studi en il conservatori a St. Petersburg vala el sco giuven selvadi, sco «enfant terrible» en la scena da musica russa.