Il 2012 è vegnì fundà l'ensemble Voix de Lausanne sco furmaziun successura dal chor da giuvenils da Losanna. Il chor maschadà persvada dapi intgins onns cun ses chant sin aut nivel.
Oliver Rudin ha fundà il 2008 ensemen cun anteriurs chantadurs da la Knabenkantorei Basilea il chor «Männerstimmen Basel». Dapi lura è el il manader musical. Il chor viril sa preschenta cun knickerbockers e givlars e fan uschia la parita da derivar dals onns 1920 – 1930. Lur repertori da chant è dentant pli vast che lur vestgadira.