Far midada online

Sin la pagina d'internet eUmzug pon ins far la midada administrativa. Uschia na ston ins betg spetgar sin las uras d'avertura dals spurtegls da duas vischnancas. Entaifer 10 minutas duess la midada administrativa esser fatga. Ils documents per far midada dovr'ins dentant tuttina, la carta d'identitad u il pass, il numer da l'AVS, il contract da locaziun da la nova abitaziun, las cartas da la cassa da malsauns da tut ils commembers che fan midada ed ina carta da credit per pajar las taxas.