Siglir tar il cuntegn

Header

audio
Il Spöl che munda en l'En ha en PCB.
Keystone
laschar ir. Durada: 3 minutas 35 Secundas.
cuntegn

Tge è PCB

Suenter ch'ins ha mesirà pervi da la sanaziun dal lai da fermada, valurs pli autas da PCB en il Spöl, han ins fatg mesiraziuns er en auters flums grischuns.

PCB stat per tudestg per «polychlorierte biphenyle» ed è ina chemicalia industriala che ha plirs avantatgs. Tranter auter na brischa PCB betg, i tegn fitg bain, i vegn strusch bajegià giu entras process natirals ed i nè betg solvabel tras laua. Perquai pon ins duvrar bain il PCB sco liquid disolaziun en condensaturs e transfurmaturs, sco ieli idraulic ed er en colurs.

Cunzunt ils onns 1950 fin 1970 è PCB vegnì duvrà savens en colurs che duain proteger construcziuns da metal sco punts e pitgas delectricitad – ed er en ovras idraulicas vid turbinas e sumegliant. En dosas memia grondas è PCB dentant tissi e po a lunga vista chaschunar cancer. A curta vista poi chaschunar ina tissientada acuta, i po dar eczems e disturbis da las funcziuns dal dir e dal sistem dimmun.

Perquai è PCB er scumandà totalmain en Svizra dapi il 1986. Las concentraziuns chattadas en ils flums Grischuns nèn dentant nagin privel per il carstgaun, uschia luffizi chantunal per natira ed ambient. Ins saja anc fitg lunsch davent da las limitas da lorganisaziun mundiala per sanadad.

Dapli da «Co e cum»

Scrollar a sanestra Scrollar a dretga