Siglir tar il cuntegn

Header

cuntegn

Cun Cilgia Koller Mengiardi tras il mais da november

L'onn 2006 ha la famiglia Koller pir surpiglià il manaschi da famiglia. Tar ils Koller Mengiardi gira fitg bler. Sper la lavur sco mamma e chasarina ha Cilgia Koller creà ina pensiun per chavals sin lur bain puril. Ils quatter chavals ed ils trais ponis porschan a la dunna da 43 onns equiliber e plaschair per cor ed olma. Cilgia Koller ha in iert da verduras e quest atun ha ella pudì far ina bella racolta da tartuffels.

Da la Swiss Air tar il puresser

Cun 20 onns è Cilgia partida per l’America per emprender linguas. Quellas ha ella pudì duvrar fitg bain per sia lavur sco ostessa da terra tar l'anteriura Swiss Air. Là ha Cilgia Koller lavurà fitg gugent enfin curt avant il «Grounding» da l'interpresa aviatica svizra, l’october 2001. Avant che sa chasar cun ses um August Koller e lur emprim figl Dominic ad Ardez, han els abità a Bütschwil en la regiun dal Toggenburg, la patria da August Koller.

Nus na vivain betg a la fin dal mund, ma al cumenzament dal paradis.
Autur: Cilgia Koller Mengiardi

Mintga damaun e mintga saira passenta Cilgia Koller temp cun ses chavals en vegliadetgna da pensiun. In equiliber per cor ed olma per la dunna da 43 onns.

RR Tips, trics e tacs 10:15

Artitgels legids il pli savens