Siglir tar il cuntegn

Header

Audio abspielen
cuntegn

Alesch u Alexi

Download

Cuntrari a l'onomastic da l'emna passada menziunan oz tut ils chalenders rumantschs in unic num, natiralmain cun pliras variantas: Alesch, Alexi, Alexius ed Alexus.

Ina legenda da la Siria raquinta co ch'il figl d'in senatur roman banduna suenter sias nozzas ses geniturs e la spusa per fugir en Tirchia e daventar in eremit pietus. Cun turnar puspè a Roma n'enconuschan ses famigliars betg pli il figl pers, ma al dattan tuttina alloschi sut la stgala. Avant sia mort mussa el en ina brev sia identitad. Quest fatg è vegnì descrit en il temp medieval en pliras linguas ed Alexi è daventà in dals sontgs respectads e protectur dals pelegrins, murdieus e malsauns.