Bandli e Beeli

La scola sura da Ziràn vegn frequentada da sis scolaras e scolars da lingua rumantscha. Cun lur magistra Jolanda Dolf-Mani han els scuvert quant interessant che nums da famiglia pon esser ed han dumandà la derivanza e significaziun da lur atgnas schlattainas. Oz e lemna proxima ans occupain nus damai cun nums da la bella Val Schons. Per cumenzar respundain nus a Sia Bandli che vegn ad esser surpraisa che sia famiglia è colliada cun Venezia e chautschas talianas. E Silvan Beeli pudess bunamain esser il chastellan da Cagliatscha.