Calaufis e Marutsch (Peist)

In dentist a Cuira ha ina pitschna chamona en la Val Scanvetg sur la vischnanca da Peist ch'è situada en in conturn che sa numna Marutsch. Cura ch'el vuleva prender quest num per sia adressa da mail era quel gia occupà per gronda surpraisa, uschia ch'el ha prendì il num da la prada dasperas: Calaufis. Toponims che tunan bain, ma displaschaivlamain tuts dus memia misterius per chattar ina significaziun! Era Peist è in num fitg spezial. Il suffix -este deriva dals temps preromans e vegn definì sco veneto-illiric, el è damai vegnì tar nus da l'ost. Preroman èn pia era Andiast en Surselva u Sameast sur Ziràn.