Frà Clau da Flia

Gia il num dal pur da Sachseln è interessant: Niculaus è ina cumbinaziun greca da Niké = victoria (a la quala sa referescha era ina marca da chalzers) e Laos = pievel, che cuntinuescha tar nus cun variantas sco Cla, Clau, Clo, Clot, Clos, Nic, Nicca, Niclò, Nicola e Niculin. Per las dunnas datti sulettamain Niculina. Cunzunt l'agir dal pur che decida da bandunar cun 50 onns sia famiglia e da passentar ses ultims 20 onns sco eremit fa impressiun enfin oz. Dapi ch'el è vegnì declerà sontg suenter la segunda guerra mundiala ha il cult dal frà Clau irradià lunsch suror ils cunfins svizzers.