En cuschina cun Linard Andri - «Cuschinar è passiun ed amur»
RTR ha pudì accumpagnar Linard Andri en cuschina, al gril ed era en ses iert da verduras ch'el tgira cun sia sira.
Passa 20 sorts verduras e fritgs indigens ed exotics cultiveschan els en lur iert a Favugn.
Talent per estetica e dimensiun, dun per crear ambient, in spiert avert per persistenza e maun artistic: quai èn insaquantas fassettas caracteristicas per descriver l’architect Linard Andri oriund da Müstair. El è naschì il matg 1971 a Müstair ed ha frequentà la scola populara en ses vitg nativ e fatg l'emprendissadi da dissegnader da construcziun auta a Guarda.
Cuschinar cun Andreas Caminada fiss ina bella experientscha.
audio
En iert e cuschina cun Linard Andri
05:57 min, ord Nossa cuschina dals 01.06.2022.
Maletg: Gaby Degonda
laschar ir. Durada: 5 minutas 57 Secundas.
audio
«Mes cuntels tutgan a mai»
06:17 min, ord Nossa cuschina dals 08.06.2022.
Maletg: Gaby Degonda
laschar ir. Durada: 6 minutas 17 Secundas.
audio
Gnocchis à la tirolaisa
04:53 min, ord Nossa cuschina dals 15.06.2022.
Maletg: Gaby Degonda
laschar ir. Durada: 4 minutas 53 Secundas.
audio
Art ed estetica sin e sper il plat
02:57 min, ord Nossa cuschina dals 22.06.2022.
Maletg: Gaby Degonda
laschar ir. Durada: 2 minutas 57 Secundas.
audio
Charn sdrappada per far burgers
05:25 min, ord Nossa cuschina dals 29.06.2022.
Maletg: MAD
laschar ir. Durada: 5 minutas 25 Secundas.
Suenter la recruta avess el gugent fatg studis a Turitg – ma il destin ha vulì auter. El ha survegnì interessantas plazzas en Val Müstair ed è restà fitgà en sia patria. Suenter insaquants onns experientscha en il biro d’architectura «la Chasa» a Müstair ha el fundà il 2019 sia interpresa d’architectura Modunita.
En cuschina vala la regla: Jau cuschin e mia dunna lava giu la vaschella.
Linard Andri e sia dunna Irene Theus abitan dentant a Favugn, uschia pendulescha el tranter Favugn e Müstair. Sia professiun è passiun. Recreaziun ed energia chatta Linard Andri en la pictura artistica, ma er en cuschina.
Daventar cuschinunz fiss stà ina opziun. Ma jau am mia professiun d'architect.
Il zercladur ans raquinta Linard Andri davart l’amur per il product, davart ses iert nua ch'el cultivescha cun sia sira Anna Theus passa 20 sorts fritgs e verduras. Plinavant filosofescha el davart l’estetica culinarica e cun tge corifea da gourmet ch'el giess gugent en cuschina.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.