Siglir tar il cuntegn

Header

Legenda: Gabriella Sonder-Dosch da Salouf. RTR, Marionna Lombriser
cuntegn

Gabriella Sonder-Dosch La gruppa da paun da Salouf

Salouf en il Surmeir vegn er numnada la vischnanca dal paun. Salouf ha anc adina in pastrign cun in furn da laina amez il vitg. Dapi passa 30 onns datti ina gruppa da paun. Var 12 persunas fan regularmain paun tenor il recept da las tattas e basattas. Part da la gruppa fa er Gabriella Sonder-Dosch.

Gabriella Sonder-Dosch che ha 60 onns ha fatg bundant 35 onns la pura ensemen cun ses um a Salouf. Avant in temp han els surdà il manaschi bio cun vatgas da latg a la proxima generaziun.

L’anteriura pura che ha oriundamain ina scolaziun mercantila, s’engascha dapi blers onns en l’uniun da dunnas da Salouf e lavura er passa 20 onns sco scolasta da joga. Pervi da corona ha Gabriella Sonder-Dosch uss dentant bler peda ch’ella giauda gugent cun ils quatter biadis. Viver cun ed en la natira è impurtant per l’anteriura pura. Ella è gugent en moviment a pe, cun ils skis, cun il velo, da saltar cun ses um u cun la gruppa da Line Dance.

Il paun fatg sez ord il furn da laina ha in auter gust ed in’autra savur.
Autur: Gabriella Sonder-Dosch che fa paun sco pli baud

Per la seria Nossa cuschina raquinta Gabriella Sonder-Dosch da la tradiziun da far paun a Salouf en il pastrign cun il furn da laina. Ina giada al mais fan duas persunas da la gruppa paun cun 20 kg farina e lura san ils auters vegnir per lur pauns.

RTR Nossa cuschina 10:15

Artitgels legids il pli savens

Scrollar a sanestra Scrollar a dretga