En mintga ovra sa zuppa in zic amur
Carmelia Casanova viva a Lumbrein en il quartier Las Fuainas. Ella lavura cun ses um Conrad en il salun da coiffeur e d'unglas, che sa chatta en il plaunterren da lur chasa. Là sa chatta era la butia da «la zambergiera», nua che la clientella chatta savens in bel regal per purtar a chasa.
Manufactura genuina
Per Pasca
La primavaira é mia stagiun favurita.
Dunna Carmelia è mamma da dus uffants creschids ed ella è tatta da dus biadis. Ella haja bain gia colurà ovs da Pasca u zambregià in zic cun ils biadis da sis e trais onns. Ma anc uss na sa laschian els betg propi fascinar dal vast mund da la manufactura artisanala e per part fitg filigrana da lur tatta.
Cur che jau zambregel emblid jau il mund ed ils quitads.
Carmelia Casanova lavura dapi prest 10 onns cun arschiglia. Avant intgins onns ha ella dentant er chattà fascinaziun per entagls da siluetta ed emprendì ils secrets da quest art filigran a moda autodidactica. Lavur minuziusa che pretenda dapli che sulettamain in maun ruassaivel e segir per tagliar cun il scalpel.
Per quai ch' ins fa gugent èsi simpel d'avair pazienza.
«La zambergiera» ha avert las portas da l’atelier per RTR ed ans accumpogna durant l’emna avant Pasca en ses mund creativ. Cun ella faschain nus decoraziuns da flurs per avant chasa, ella ans tradescha ils misteris da l'entagl da siluetta e fa ina giaglina en arschiglia che audituras ed auditurs pon gudagnar cun sa participar a l’emissiun, mardi ils 4 d'avrigl las 10:30 sin radio RTR.
Il mund mirveglius da Carmelia
-
Bild 1 von 18. Carmelia Casanova è pronta per in di creativ. Tut è pront per la decoraziun da primavaira. Bildquelle: RTR.
-
Bild 2 von 18. Carmelia decorescha il chanaster. In chanaster da giatter sco decoraziun da primavaira. Bildquelle: RTR.
-
Bild 3 von 18. Carmelia Casanova avant isch-chasa. Giaglinas d'arschiglia sin stgala e flurs da primavaira fan parada. Bildquelle: RTR.
-
Bild 4 von 18. Salid da primavaira per avant isch-chasa. Or dad ina simpla stgatla da lain ha Carmelia Casanova striunà ina bella decoraziun. Bildquelle: RTR.
-
Bild 5 von 18. Cup d'espresso d'arschiglia clera. In exemplar dal set da vaschella. Bildquelle: RTR.
-
Bild 6 von 18. Giaglinas decorativas per la primavaira. Carmelia ha fatg in vast sortiment da giaglinas d'arschglia. Bildquelle: RTR.
-
Bild 7 von 18. Carmelia Casanova cun ina figura d'arschiglia sin ina cuscha. Il cor che quest uffant porta en bratsch è da vair aur. Bildquelle: RTR.
-
Bild 8 von 18. Vaschella creativa dal label «la zambergiera». Decorativ e genuin. Bildquelle: RTR.
-
Bild 9 von 18. Il furn da brischar arschiglia. Brischar munta avair pazienza, il furn resta serrà durant 72 uras. Bildquelle: RTR.
-
Bild 10 von 18. «En l'englar» ina ovra d'entgagl da siluetta da Carmelia Casanova. Filigran e tut vi d'in singul toc. Bildquelle: RTR.
-
Bild 11 von 18. Carmelia Casanova cun ses emprim entagl da siluetta. Entagl cun applicaziuns en colur. Bildquelle: RTR.
-
Bild 12 von 18. Carmelia e puspè tar ina nova ovra. Scadin verdin, scadin stritg vegn dissegnà trais giadas sin la pergiamina avant che entagliar. Bildquelle: RTR.
-
Bild 13 von 18. Filigran e creativ tenor fantasia . Avant che entagliar, malegia Carmelia trais giadas il motiv d'entagl. Bildquelle: RTR.
-
Bild 14 von 18. Evla majestusa en l'ovra majestusa da Carmelia Casanova. Questa ovra è enramada e sa chatta en stiva dals Casanova a Lumbrein. Bildquelle: RTR.
-
Bild 15 von 18. In rispli gizzà ed in cuntè en ils guaffens principals. Per Carmelia Casanova è l'entagliar ina tscherta meditaziun. Bildquelle: RTR.
-
Bild 16 von 18. Avieuls e flurs, era quai ina creaziun da «la zambergiera». Scadin motiv è malegià a maun da Carmelia Casanova. Bildquelle: RTR.
-
Bild 17 von 18. Carmelia Casanova vid ina giaglina d'arschiglia. Mintga giaglina è in unicat. Bildquelle: RTR.
-
Bild 18 von 18. Dumonda da quiz: Quant temp impunda Carmelia per ina giaglina? Scrivi vossa resposta al 079 200 70 07. Bildquelle: RTR.